Om foreningen vår
Melkesyrefestivalen er bygd på eit ønske om å skape noko som varer lenger enn ei enkelt festivalhelg. Målet er å utvikle ein stabil og positiv møteplass for kultur, frivillig innsats og aktivitet i Høyanger.
Først og fremst ønskjer vi å byggje sjølve festivalen og foreningen på ein trygg og stabil måte. Når grunnmuren er på plass, er ambisjonen at Melkesyrefestivalen skal vere noko som kjem heile lokalsamfunnet til gode.
Det handlar ikkje berre om å arrangere éin festival, men om å utvikle kompetanse, utstyr, samarbeid og økonomi som gjer det lettare å skape fleire arrangement og meir aktivitet lokalt – også resten av året.
På sikt ønskjer vi at Melkesyrefestivalen skal vere ein ressurs for fleire enn dei som står bak festivalen sjølv. Når festivalen og foreningen står på stabil grunn, ønskjer vi å bidra til at fleire får moglegheit til å skape noko lokalt.
Det kan vere kulturarrangement, ungdomstiltak, mindre konsertar, møteplassar, senioropplegg eller andre initiativ som styrkar fellesskap og aktivitet i Høyanger.
Eit viktig mål er å kunne byggje opp utstyr og arrangørkompetanse som ikkje berre tener festivalen, men som også kan komme andre til gode. Når vi etter kvart har kapasitet til det, ønskjer vi å kunne låne ut relevant utstyr til gode føremål i lokalmiljøet.
Det kan vere utstyr til skulearrangement, lokale kulturinnslag, ungdomsprosjekt eller andre aktivitetar der økonomien ofte er det som gjer terskelen høg.
Når festivalen og foreningen etter kvart har ein sunn og stabil økonomi, er ønsket at delar av overskotet kan gå vidare til andre gode prosjekt. Vi ønskjer at Melkesyrefestivalen på sikt skal kunne bidra til tildeling av midlar til prosjekt, arrangement, skuleturar, ungdomstiltak og andre initiativ som har verdi for lokalsamfunnet.
Tanken er at ein vellukka festival ikkje berre skal gi publikum gode opplevingar der og då, men også kunne gi ringverknader som varer lenger og kjem fleire til gode.
Foreningen ønskjer å skape noko som har plass til barn, ungdom, vaksne og seniorar. Det skal vere rom både for etablerte artistar, lokale musikarar, frivillige, unge som vil vise seg fram, og samarbeidspartnarar som vil vere med å løfte noko lokalt.
Målet er ikkje berre å lage arrangement, men å vere med og byggje stoltheit, aktivitet og samhald – og å vise at det går an å få til noko fint også i mindre lokalsamfunn når folk dreg i same retning.
Vi er opptatt av å byggje dette stein for stein. Først må festivalen og foreningen få ein trygg og berekraftig plattform. Deretter kan vi utvikle dei større måla vidare: meir aktivitet gjennom året, utlån av utstyr, støtte til prosjekt og ein modell som gjer at festivalen faktisk gir noko tilbake til bygda.